Publisert Legg igjen en kommentar

Kongens fortenstmedalje til Kjell Opsal

To prisar på same ettermiddag. Kongens fortenstmedalje hadde han inga aning om på førehand. Æresmedlemskapet frå Norske Trekkspilleres Landsforbund var han førebudd på.

– Kjell, i dag skal du heidrast for ditt virke gjennom mange tiår. Vi må tilbake til 50-talet då du var journalistlærling i Molde fire år.
Slik innleia ordførar Eva Vinje Aurdal då ein intetanande avisgründer søndag ettermiddag vart overraska med Kongens fortenstmedalje.

TEKST OG FOTO: EDMUND MELKILD

Ålesundsordføraren hadde ei lang liste å gå gjennom då ho skulle ta føre seg Kjell Opsal sitt lange virke, både som journalist, avisredaktør og sin store innsats for kulturlivet i distriktet. Særleg hans interesse for trekkspel og tradisjonsmusikk.

– På 60-talet var du fylkesformann i AUF Møre og Romsdal. Då reiste du rundt i heile fylket og arrangerte politiske tilstellingar, begynte Aurdal.

Bygdebladet
Opsal sat i Molde bystyre for Arbeidarpartiet. Han var også styreformann då idrettens hus vart bygd.
Det var journalistvirket og avis som skulle bli vegen han valte å gå vidare med. Først som journalist i Romsdal Folkeblad i Molde, og seinare i Sunnmøre Arbeideravis.

– I 1972 etablerte du Bygdebladet saman med kona Torill og ei skrivemaskin, sa Aurdal.
Redaktørjobben overlèt han til sonen Reidar for nokre år sidan, men i ein alder av snart 82 år er han framleis ein aktiv og engasjert kommentator, særleg innafor politikken.

Plateselskap
I 1977 starta han plateselskapet Norild Records og gav ut fortrinnsvis trekkspel og gammaldans/tradisjonsmusikk.
Han står også bak Norild Forlag og Kriminalbokklubben som gir ut klassiske kriminalromanar.

Lydstudio
På 1980 talet etablerte han Norild lydstudio med innspeling av musikk med lokale, nasjonale og skandinaviske artistar.

Trekkspelklubb
Han starta opp Ørskogfestivalen tidleg på 1970-talet og arrangerte årlege utekonsertar og dans med kjende skandinaviske trekkspelartistar som svenske Ebbe Jularbo og Lennart Warmell. I 1978 grunnla han Ørskog og Omegn trekkspelklubb.

Trekkspel til skulen
Han arrangerte trekkspelkurs over heile distriktet, både for vaksne og barn. Han tok også initiativet til å kjøpe inn små trekkspel som borna i skulen fekk bruke i musikktimane.
I 1980 vart den første Belgiaden i Geiranger arrangert, med Opsal den sjølvsagte pådrivar og leiar.
Festivalen vart arrangert i 30 år på rad, fram til 2010.

Allspelorkester
På 2000-talet vart Ørskog Trekkspelorkester og Ørskog Allspelorkester starta. Allspelorkesteret er et orkester der «alle» kan delta, både den som er notekyndig, men også den som spelar etter gehør. Et sosialt og godt tiltak både for unge og eldre.

Fredskonsert
Dei siste åra har han vore initiativtakar og programleiar for Fredskonserten i Ørskog samfunnshus, til minne om fredsdagane i mai 1945. Her vert det framført musikk frå krigens dagar, og det er intervju både med veteranar frå teneste i Tyskland etter krigen, og veteranar frå FN-styrkane rundt om i verda.

Forsvarsforeininga
Kjell Opsal vart tildelt Ørskog Kommune sin kulturpris i 2005.
Han har også fått «Paul Harris» som er Rotary si utmerking for innsats utanom det vanlege.
Han er også engasjert i Sunnmøre forsvarsforeining der han no er leiar for valkomiteen.

Vart stum
Hovudpersonen sjølv var fullstendig uvitande om det som skulle skje. Det einaste han viste om var at han skulle utnemnast til æresmedlem i Norske Trekkspilleres Landsforbund.

– No hadde det vore på sin plass å seie nokre ord, men eg vart heilt sett ut, sa Opsal etter at han hadde fått medaljen.
Men tausheita varte ikkje. Nokre minutt seinare var han og ordføraren i ivrig diskusjon. Om det var kommunestruktur eller kultur er det berre dei som veit.

Publisert Legg igjen en kommentar

Fylte kulturhuset med allsong

Avslutningsnummeret «Bedre og bedre dag for dag» med Ørskog Allspelorkester, Øss’n og solistane f.v. Liv Birgit Holseter, Astrid Hildre, Janne Iren Holseter, Odd Arne Halaas, Stephanie Lippert, Eli Cathrine Kjersem og Øystein Vestre – som også var programleiar.

Publikum frå nær og fjern fylte kulturhuset på Sjøholt til randen då Ørskog Allspelorkester arrangerte allsangkonsert søndag ettermiddag.

TEKST OG FOTO: EDMUND MELKILD

Sterke song- og musikkrefter både frå Sunnmøre og Romsdal var foreinte då Ørskog Allspelorkester med kapellmeister Daniel Falcon Græsdal inviterte til allsang i kulturhuset.
Odd Arne Halås, titulert som «Nordmøres Jan Høiland», opna med «Tio tusen røda rosor», og deretter følgde den eine kjente slageren etter den andre. Dei som ikkje var heilt sikre på teksten kunne følgje med på storskjerm, så det var inga unnskyldning for ikkje å synge med.

Ørskog Allspelorkester. Bak f.v. Roger Oksavik, Roy Sæbø, Miguel Falcon Græsdal, Reidar Opsal, Karin Myhre Sylte, Sofie Berge, Terje Giske, Martine B. Opsal, Arve Sæbø, Roe Skavnes, Reidar Hovden og Svein Solheim. Framme f.v. Harald Fylling, Ivar Arne Storsæter, Daniel Falcon Græsdal, Kjell Opsal og Benjamin B. Opsal.

Svensk
I slagerkonsertar som dette blir det gjerne mykje kjent svensk musikk. Allspelorkesteret hadde alliert seg med Stephanie Lippert, svensk operasongar som har emigrert til Tomrefjord. Ho var med å løfte arrangementet, både som solist og i duo med Odd Arne Halås.

Storblåsarar
Også Ørskog Storblåsarsamband og dirigent Marianne Hafsås var med, i samspel med allspelorkesteret. Blant anna med Roger Millers udødelege «King of the Road». Naturleg nok utan allsong, men som programleiar Øystein Vestre sa: – Av og til er det godt å berre bruke øyrene også.

Balladar og polka
Det var mange høgdepunkt ein i frisk og sprudlande konsert, men for nokre var det kanskje Cornelis Vreeswijk sin lett melankolske «Balladen om herr Fredrik Åkare och den söta fröken Cecilia Lind» med Stephanie Lippert som stod fram.
Også eit par av Benny Anderssons nyare komposisjonar vart framført. Og Hans Rotmos «Dansen på Nedre Elvehavn».

Kjekt å fylle huset
Kapellmeister Daniel Falcon Græsdal sa det kjentest godt å kunne fylle kulturhuset igjen. Det har blitt mange avlyste og utsette arrangement dei siste to åra. Men det var ei opning mellom «delta» og «omikron» sist haust som vi greidde å utnytte. Det neste blir Fredskonserten i mai, sa Græsdal.

Som ein viktig del av arrangementet må også Ørskog Bygdekvinnelag nemnast. Dei stilte med utsøkte kaker og nytrekt kaffi i pausen.

Ørskog Storblåsarsamband. Bak f.v. dirigent Marianne Hafsaas, Kari Wenche Lid, Berith Sylte, Ann Mari Abelvik, Agnetha Astrup, Ingrid Daniloff Svensen, Per Runar Krogsæter. Framme f.v. Randi Otnes, Kristin Torine Amdam, Sylvi Sjøholt, Monica Jacobsen, Ireen E. Sjøholt, Ingar Valbø og Arnljot Lande. Trommeslager Øyvind Tennfjord var ikkje tilstades då biletet vart teke.
Publisert Legg igjen en kommentar

Polkabjørn & Kleine Heine til rockefestivalen Malakoff 22 på Nordfjordeid

I sommar kan du oppleve NRK Stjernekampvinnar Bjørn Tomren utfolde seg i universets beste trekkspill- og jodleduo på Malakoff. 

Og med det så kan du oppleve det relativt sjeldne fenomenet å få trekkspel, strupesang og jodlling framført framføre 10.000 stk. publikummerar.

Ikkje fan av trekkspel, jodling og strupesang seier du? Det tek nok slutt etter denne konserten skal du sjå, seier ein fornøgd festivalsjef Arnt-Ivar Naustdal.
Bio Polkabjørn & Kleine Heine

Konsert med universets beste trekkspill- og jodleduo – Polkabjørn & Kleine Heine

Stryk snippskjorten, legg buksen i press og gjør deg videre beredt til en makeløs festaften med glede, sang, kos, tårer og tabubelagt skam. 

Er du svak for mellomkrigssvisker og undergangsmusikk fra fhirty-tallet, da kan du i overspent eksaltasjon lengte mot denne tildragelsen.

Bandet som i over 10 år har blitt møtt med overveldende begeistring i inn- og utland, har også varmet opp for A-ha, Ylvis, Katzenjammer, Mods og Dina Martin (datteren til Dean Martin). Dokumentarfilmen om de, The Art of Yodeling, ble solgt til over 20 land! Og hvem kan glemme landeplagen I like to ski, landeplagen fra 2011?

Så kast dine bekymringer, din skyldfølelse og alle vonde tanker over bord, og bli med på en heidundrende forestilling med trekkspill og allsang. 

Hvem vet, kanskje det er din tur til å finne en ny bestevenn på konsert med Polkabjørn & Kleine Heine, sier festivalsjef Arnt-Ivar Naustdal.

Lineup Malakoff 22 så langt:
Trippie Redd (Us)
Clutch (Us)
Sondre Justad
Veronica Maggio (Se)
Idles (Uk)
Gabrielle
Kvelertak 
Turnstile (Us) 
Slowthai (Uk) 
Kurt Nilsen
Honningbarna
Polkabjørn & Kleine Heine
Brenn 
Mettteson
Murder Maids
Jackbow
Daufødt
+ mange fleire

Publisert Legg igjen en kommentar

Kulturskatt på ny CD: Historisk slåttespel frå Nordfjord

Publisert 21. januar 2022: Slik spelte dei, Jon Rosenlid (1891-1974) og Samuel Bergset (1888-1974), vidgjetne Nordfjord-spelemenn. Takka vere plateselskapet Aksent (Håvard Svendsrud) er musikken deira tilgjengeleg på  CD.

»Historisk slåttespel frå Nordfjord» byd på solospel  der opptaka er frå 1940-60-talet.

Nordfjord har ein rik tradisjon med mange dugande spelemenn.  Rosenlid og Bergset spelte hardingfele og var mellom dei fremste i si tid.

Musikken deira er både leikande lett, melodiøs, vakker, slik den er henta ut i frå livet og miljøet frå meir enn hundre år tilbake.

Kjende namn står som opphav til slåttane, Magne Maurset, Anders Reed, Per Kjellstad…

I tillegg til spelet blir det gitt interessant informasjon der Arne M. Sølvberg (sjølv storspelemann) har vore ein nyttig medarbeidar for plateprosjektet.

Sjølv skriv Svendsrud at musikken på plata er det næraste ein kan kome spelestilen til dei eldste kjeldene i distriktet.

Med god lydkvalitet og heile 34 spor fordelt på dei to spelemennene, går dette produktet inn i vår nasjonale kulturskatt – og som dermed ikkje treng støve ned.

Publisert Legg igjen en kommentar

Landsfestival på Vågå i 2022

Både i 2020 og i 2021 blei det avlysing, men i år blir løpet lagt for landsfestival på Vågå med Vågå trekkspelklubb som arrangør.

I 2023 er det Førde som står for tur. Der er det Indre Sunnfjord spelemannslag som er arrangør.

Åndalsnes er neste stopp for Landsfestivalen, i 2024. Arrangør her er Møre og Romsdal folkemusikklag.

Publisert Legg igjen en kommentar

Ørskog Trekkspelorkester: Konsert utsett til 20. mars

Koronaen sette stoppa for nyttårskonserten 23. januar. I staden b lir det konsert søndag 20. mars i Ørskog kulturhus.

Orkesteret har både proffar og amatørar på laget. Blant sangsolistane er svenske Stephanie Lippert og norske Odd Arne Halaas (NTL-leiar)

Etter ein ufrivillig pause er håpet at alt skal kome i normalt gjenge.

Leiarar i orkesteret er Daniel Falcon Græsdal og Reidar Opsal.

Publisert Legg igjen en kommentar

Ung meister- Britt Pernille Frøholm levandegjer Kjelstad-tradisjonen

Publisert  7. desember 2021:  Musikktradisjonen etter brørne Ola og Ivar Kjelstad i Sunnylven blir ført vidare av unge spelarar og sikra for ettertida.

Britt Pernille Frøholm er ein av desse tradisjonsberarane som har teke opp kulturarven.

På CD-plata «Fokhaugen» spelar ho solo slåttar som stod på Kjellstad-brørne sitt repertoar.

Sjølv er ho fødd og oppvaksen i nabobygda Hornindal med nært kjennskap til musikken til dei to brørne.

Fokhaugen er namnet på heimen til Ola Kjelstad (1854-1944). Her var det ein samlingsstad for mange meisterlege spelemenn frå Sunnmøre og Nordfjord.

Ola blei i si samtid rekna som eit stort åndsmenneske med interesser både i litteratur og musikk. Han var den populære spelemannen som var med i tallause bryllup og kunne sitere fritt frå dei store diktarane sine verk.

Broren Ivar (1868-1914) blei karakterisert som den store virtuosen som turnerte landet rundt. Men helsa svikta og han døydde ung.

Dei gamle spelemennene i desse bygdene reiste vide om og fekk impulsar frå både  Myllarguten og Ole Bull. Loms-Jakob er og namn som blir nemnt. Han reiste mykje rundt i landet.

Når Britt Pernille Frøholm har spelt inn i denne CD-plata er det med musikk etter namngjetne spelemenn. Her er Møllarguten sin halling»,Springar etter Kjellstad-Per,  Vals etter Ivar Kjelstad, Springar etter Kroka-Lars og Lars Thomasgaard, Springar etter Ola Kjelstad og «Bryllaupsafta på Seljeset».

Andre frå tradisjonen er Lars Brendefur og Jens Maurseth.

Solisten på plata har i alle år hatt nær kontakt med tradisjonsmusikken. Ho har medverka i fleire grupper, bl.a. med Honndalstausene og  Ramstadlaget.

Dette er den tredje soloplata og er god dokumentasjon på kvalitetane dagens unge står for. Difor er det som positivt at ho tek opp den gamle folkemusikken og viser kva for ein kulturell gullskatt den representerer.

(Utgitt på Kviven Records og innspelt i november 2019. Platesleppturneen måtte utsettast på grunn av koronaen).

Kjell Opsal

Publisert Legg igjen en kommentar

Nyttårskonsert med Ørskog Trekkspelorkester

Etter koronaopphald er Ørskog Trekkspelorkester på hogget for eit nytt aktivt år.

Søndag 23. januar blir det invitert til nyttårskonsert i Ørskog kulturhus.

Det skal bli allsang og trekkspelmusikk med Odd Arne Halaas på gjestelista.

Orkesteret spelar på Sjøholt Folkehøgskole laurdag 12. februar og på Kyrkjelydshuset i Fiksdal søndag 27. februar.

I mars er det speling under DM i Ulsteinvik 25. – 27. mars søndag 8. mai blir det arrangert fredskonsert til minne om mai-dagane 1945. Då er det musikk og sang frå krigsåra som er på programmet.